Kryeministri i Kosovës, Albin Kurti ka udhëtuar për në Bruksel ku më 15 qershor do të takohet me presidentin e Serbisë, Aleksader Vuçiq në kuadër të dialogut ndërmjet dy shteteve.

Bashkë me të ka udhëtuar edhe zëvendëskryeministri Besnik Bislimi, ndërsa sipas zëdhënësit të Qeverisë, Përparim Kryeziu ky takim nuk është takim i dialogut, por takim për dialogun e ardhshëm.

Postimi i plotë i tij:

Kryeministri i Republikës së Kosovës, Albin Kurti, i shoqëruar nga zëvendëskryeministri Bislimi, ka udhëtuar për në Bruksel për takimin e paralajmëruar për ditën e nesërme në mes tij dhe Alexander Vuçiq. Siç kemi thënë në vazhdimësi, takimi i nesërm nuk është takim i dialogut, por takim për dialogun, për dialogun e ardhshëm. Aty kryeministri Kurti do të paraqes vizionin dhe qëndrimet tij dhe Qeverisë së Republikës së Kosovës për të, e i cili duhet të jetë parimor dhe i drejtë, në shërbim të popujve të të dy vendeve dhe i shkëputur nga ai i kaluari. Pra nga takimi synohet dakordim rreth kapitullit të ardhshëm të dialogut dhe agjendës së tij, pas diskutimeve shterruese të ditës së premte në Kuvendin e Republikës së Kosovës për dialogun e mëparshëm dhe dëmet e shkaktuar nga ai./arbresh.info/